Dié huis in Waterfall, KZN het Saterdagaand afgebrand
Vanessa Jackson, woordvoerder van ER24 sê die huis was reeds in ligte laaie toe paramedici en die brandweer opgedaag het. “Bure en die inwoners van die hius het op die sypaadjie gestaan en kyk hoe die huis afbrand,” het sy gesê. Brandbestryders het die brand van alle kante met water bestook en het uiteindelik die vuur geblus. Niemand het enige beserings in die brand opgedoen nie. Die oorsaak van die brand sal deur die owerhede ondersoek word.
