Sorella Stoute, ʼn 14 maande oue baba van Oregon in Amerika het met haar pa se slimfoon gespeel toe sy per ongeluk ʼn motor op eBay gekoop het.
Sorella het die 1962 Austin Healey Sprite vir $225 (sowat R2 200) gekoop. Haar pa, Paul, was nie van die aankope bewus totdat hy ʼn gelukwensingsbrief per e-pos van eBay af ontvang het nie. Die familie het besluit om die motor te hou en Paul sê hy wil graag die motor restoureer om dit op haar 16e verjaarsdag vir haar te gee.
