Christopher Marshall (7) van Virginia in Amerika is geskors nadat hy glo “geweerklanke” gemaak het toe hy ʼn potlood op ʼn maat gerig het.
Christopher en die maat het glo gespeel hy is die soldaat (soos sy pa) en sy maatjie die “slegte ou”. Hy het sy potlood op sy maat gerig en geweerklanke gemaak. Hy is vir twee dae lank geskors. Die Driver-laerskool in Suffolk, Virginia duld glo nie enige wapen van enige aard nie.
Paul Marshall, Christopher se pa, sê die skool het nie hul “gesonde verstand” gebruik nie.