Die video volg onderaan die berig. ʼn 19-jarige man, wat 90 meter ver met sy motor geval het nadat hy van ʼn krans in die suide van Kalifornië af gery het, is gered.
Die man is in ʼn kritieke toestand in die hospitaal, maar het glo aan paramedici gesê hy het aspris by die krans af gery, berig KNBC-TV.
Owerhede is Vrydag omstreeks 02:00 na die toneel ontbied. Die motor was in die golwe.
Brandbestryders, lewensredders en die plaaslike polisie het die reddingspoging ondersteun. Die bestuurder van die motor is uiteindelik bevry en met ʼn helikopter na ʼn hospitaal geneem.
Die voorval het sowat 32 km suid van Los Angeles plaasgevind.
-SAPA