Video: Minstens 400 Russe beseer deur meteorietreën

Die wit stert kon 200km ver gesien word.

Minstens 400 mense is Vrydag beseer toe ʼn meteoriet in sentraal Rusland deur die lug getrek en vuurballe in ʼn meteorietreën geval het.

Talle vensters is glo ook gebreek en van die motors se alarms het afgegaan. Die Russiese regering het nooddienswerkers na die gebied gestuur waar ‘n meteoriet blykbaar in die atmosfeer ontplof en ‘n meteorietreën oor veral die stad Chelyabinsk veroorsaak het. Die meteoriet het deur die lug getrek en ʼn lang wit stert kon 200 km ver in Yekaterinburg gesien word.

Honderde mense is deur versplinterende glas getref en moes behandeling ontvang vir die ligte beserings wat hulle opgedoen het.

ʼn Plaaslike regeringsbeampte het gesê die meteorietreën hou moontlik verband met ʼn asteroïde, so groot soos ʼn Olimpiese swembad, wat Vrydag sowat 27 520km verby die aarde sal trek, maar dit kan nie bevestig word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.