Video: Munitoria ingeplof

Foto: Youtube

Talle inwoners van Pretoria het Sondag op verskillende plekke in die stad waaronder die Uniegebou en die Dieretuin bymekaargekom vir die inploffing van die Munitoria-gebou.

Die gebou is die stad se ou hoofkantoor. “Die voorgeskrewe veiligheids- en voorkomingsmaatreëls is getref om te verseker dat die inploffing se impak op die nabygeleë inwoners, besighede en diere by die Pretoriase dieretuin verminder word,” het Teddy Habib, woordvoerder van Draco Demolition, gesê. Twee blokke rondom die gebou is voor die inploffing ontruim. “’n Nuwe hoofkantoor-gebou kan nou opgerig word,” het Jason Ngobeni, bestuurder van die stad, gesê. “Dienslewering sal deur die oprigting van die nuwe gebou, wat as Tshwane House bekend sal staan, verbeter.” Tshwane House sal kantoorspasie bied aan 1 500 munisipale werknemers. Die Munitoria-gebou is in die 1960s gebou en amptelik op 28 Februarie 1969 ingewy. Die struktuur is tydens vier verskillende voorvalle deur ‘n brand beskadig. Die 44-jarige gebou is omstreeks 12:00 ingeplof.

Klik hier om foto’s van die inploffing te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.