Musina in Limpopo groei teen ‘n vinnige tempo en die plaaslike owerheid sê die dorp gaan binne 20 jaar stad-status bereik.
Sowat 20 000 mense reis daagliks deur die Beitbrug-grenspos, wat beteken die aangrensende Musina bars uit sy nate, en dít veroorsaak verkeers- en ander probleme in die dorp.
Die insetsel is deur eNuus vervaardig. Kyk eNuus op kykNET, DStv-kanaal 144, elke aand om 19.00.
Ten spyte van bo-normale ekonomiese groei wat Afrika beleef, is daar steeds nie genoeg werk vir almal nie en is daar duisendes wat op soek is na ‘n beter heenkome. Suid-Afrika is vir die ganse sub-kontinent ‘n groot aantrekkingskrag en daarom is daar ‘n deurlopende stroom Afrikane wat hierheen uitwyk. Normale grensbeheer is nie effektief nie en mense steek eenvoudig die grens oral onwettig oor.
Musina is die rendezvous vir menigte waar kontakte verkry en vervoer gereël kan word vir beweging verder suidwaarts na die groter sentra. Die groot samedromming van mense te Musina, is juis tekenend van die massas wat Suid-Afrika binnekom, hetsy om werk te soek of aankope te doen omdat goedere alhier nog geredelik beskikbaar is. Die stroom sal nimmereindigend bly.