ʼn Man het uit ʼn bewegende voertuig gespring om sy 4-jarige dogtertjie te red wat in ʼn besige kruising uit die voertuig geval het. Dit het in die stad Wenzhou in China se Suidoostelike provinsie, Zhejiang, gebeur. Die video is op 11 Mei deur The Telegraph op YouTube gelaai.
Die koerant berig die beeldmateriaal is deur ʼn verkeerskamera opgeneem. Dit wys hoe die kind by die voordeur uitval en voor ʼn taxi beland. Die taxi slaag daarin om betyds te stop. Daarna spring die pa uit die voertuig, wat aanbeweeg en teen ʼn boom aan die kant van die pad bots. Die pa tel haar beskermend op en dra haar in sy arms weg.