Die sanger Steve Hofmeyr was een van honderde inwoners wat die naweek openbare vergaderings oor die hoofstad se naamsverandering bygewoon het. Vir een groep Suid-Afrikaners is die naam sinoniem is met verdrukking terwyl dit vir die ander groep geen verbintenis met apartheid het nie. Die openbare vergaderings is onderskeidelik in die K.T. Motubatse-gemeenskapsaal, Temba-stadion, Pretoriase stadsaal, Centurion-raadskamer, Refilwe-gemeenskapsaal, Rethabile-gemeenskapsaal en Bronkhorstspruit-sportsentrum gehou.
eNuus het die vergadering by die Pretoria-stadsaal bygewoon en beeldmateriaal daarvan op YouTube geplaas. eNuus word elke aand om 19:00 op kykNet, DSTV-kanaal 144, uitgesaai.
