Video: Renosters veg om oorlewing na stropery

’n Renosterbul en -koei wat se horings aan die begin van die maand in die Kariega-natuurreservaat naby Kenton-on-Sea gestroop is, veg steeds om oorlewing.

Drie witrenosters se horings is op 2 Maart in die reservaat gestroop. Een van die renosterbulle het gevrek. Die twee oorlewende renosters is onderskeidelik Themba en Thandiswa gedoop. Dit is Xhosa name wat hoop en dapperheid beteken. Die reservaat het intussen ʼn video bekendgestel van Themba en Thandiswa se stryd. Themba het erge weefselskade aan sy linker-agterbeen opgedoen tydens die stropery. Hy is vroeër vandag by ʼn watergat gesien. Daar is egter kommer dat hy nie kos inkry nie. Thandiswa is gesien waar sy wei en dit blyk dat sy baie rondbeweeg. Albei word daagliks gemonitor.

WAARSKUWING: Die video kan sensitiewe kykers ontstel