Video: Taximan wat voetganger glo omry, aanrand kry borg

ʼn Taxibestuurder van Bloemfontein wat glo doelbewus ʼn voetganger omgery en hom toe teen die kop geskop het, is Maandag op borgtog vrygelaat.

Volksblad berig dat Tefoe Mojanaga (43) Maandag in die Bloemfonteinse landdroshof verskyn het op ʼn aanklag van poging tot moord, en op borgtog van R2 000 vrygelaat is. Hy het die naweek agter tralies deurgebring. Mojanaga het glo op 1 Maart die voetganger, Isaac Moalai (50), in Andries Pretoriusstraat met sy taxi omgery en hom hierna in die gesig geskop. Die voorval is op kringtelevisie-kameras vasgelê en op YouTube gelaai. Die video is reeds deur meer as 300 000 mense gekyk. Mojanaga sal weer op 30 Maart in die hof verskyn.

Lees meer hier.