Die foto is deur @kristenvanschie op Twitter geplaas.
Inwoners van Duduza aan die Gautengse Oos-Rand het begin om die stukke op te tel na Sondag se tornado in die gebied.
‘n Agtjarige seun is dood en talle mense beseer terwyl nagenoeg 150 huise beskadig is. Die Ekurhuleni munisipaliteit het intussen ‘n beroep gedoen op die publiek vir skenkings in die vorm van kos, klere en komberse om die slagoffers te help. In die Vrystaat het owerhede ook ‘n beroep gedoen om hulp na ‘n tornado die Meqheleng informele nedersetting Sondagmiddag getref het.
