Vier beseer na trein in rivier beland

Vier mense is Dinsdagoggend beseer na ʼn goederetrein in die Amanzimtoti-rivier naby Durban, KwaZulu-Natal beland het.

Chris Botha, woordvoerder van Netcare911, sê die rivier vloei sterk en dat dit tot gevolg gehad het dat die grond onder die treinspoor meegegee het. Botha sê die trein het ontspoor en in die rivier beland. Hy sê vier personeellede wat op die trein was is beseer. “Nadat hulle op die toneel gestabiliseer is, het paramedici hulle na die Netcare Kingsway-hospitaal vervoer vir die sorg wat hulle benodig.”