Minstens vier mense is dood en talle beseer nadat ʼn passasierstrein in New York ontspoor het.
Volgens berigte is minstens 67 mense beseer waaronder 11 kritiek. The New York Post berig sewe treinwaens noord van Manhattan langs die Hudson-rivier ontspoor het. Daar is aanvanklik berig dat van die treinwaens in die rivier geval het. Foto’s van die toneel wys egter dat van die waens net naby aan die rivier lê. ʼn Passasier het aan die New York Post gesê dat dit gevoel het of die trein vinniger as gewoonlik beweeg het. Die oorsaak van die ongeluk word ondersoek.