Vier mense is dood en twee beseer in ʼn botsing waarby drie motors betrokke was op die N3 naby Harrismith in die Vrystaat.
ʼn Woordvoerder van Netcare911, Jeff Wicks, sê twee van die motors het glo reg van voor gebots voor die derde motor in hulle vasgery het. Drie mans en ʼn kind is op die toneel dood verklaar. Die twee beseerdes is op die toneel behandel voor hulle na ʼn nabygeleë hospitaal vervoer is vir verdere behandeling.
