Vier tydens rooftog in winkel geskiet

Vier mense is Saterdag geskiet nadat vyf rowers ʼn supermark in Pretoria beroof het.

Kaptein Pinky Tsinyane, ʼn polisiewoordvoerder van Gauteng, sê die roof het omstreeks 20:25 by ʼn supermark in Sunnyside, op die hoek van Rissik- en Meerstraat, plaasgevind.

“Vyf gewapende mans het die winkel binnegegaan en op geld aangedring. Hulle het verskeie skote geskiet en vier mense in die proses getref. Die winkel se bestuurder en drie kliënte is beseer,” het Tsinyane aan Maroela Media gesê. Die verdagtes het in ʼn wit Toyota Corolla met ʼn onbekende hoeveelheid kontant gevlug.

Die bestuurder van die winkel is in ʼn bedenklike toestand in die hospitaal opgeneem. Die drie kliënte is in ʼn stabiele toestand.

Die polisie ondersoek die voorval. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Marlene ·

Kan dit dalk dieselfde bende rowers wees wat op ‘n kleinhoewe toegeslaan het en die man doodgeskiet het vir ‘n selfoon?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.