Vier verhoorafwagtendes het ontsnap terwyl hulle na die Johannesburgse landdroshof vervoer is, het die polisie Vrydag gesê.
“Die mans het Woensdag ontsnap voor die voertuig by die binnehof kon inry,” het kapt. Julia Claassen, woordvoerder van die polisie, gesê. “Hulle het die traliewerk en linkerkantste ruit uitgebreek. Lede van die publiek, wat die mans sien ontsnap het, het die beamptes in kennis gestel.”
Sy sê die mans is verhoorafwagtend vir verskeie misdade in Johannesburg. “Van die misdade sluit moord, huisbraak en die besit van ongelisensieerde vuurwapens in.”