Vier vermeende rowers doodgeskiet

Argieffoto Foto: SAPS, Facebook

Argieffoto Foto: SAPS, Facebook

Vier vermeende rowers is in Durban, KwaZulu-Natal deur die polisie doodgeskiet.

“Die mans het Donderdag van ʼn misdaadtoneel aan die suidkus gevlug,” het kol. Jay Naicker, woordvoerder van die polisie, gesê. “Lede van die Bellair-polisiestasie het ondersteuning van die Umlazi-honde-eenheid ontbied. Die polisie het die verdagtes agternagesit en die verdagtes het in Boothweg op die polisie geskiet.”

Die verdagtes het net voor die N3 ʼn ongeluk gemaak in Spineweg. “Hulle het uitgeklim en weer op die polisiebeamptes losgebrand. Die polisie het teruggeskiet en al vier verdagtes is in die skermutseling doodgeskiet,” het Naicker gesê.

ʼn Omstander is ook raakgeskiet. Hy is na ʼn plaaslike hospitaal geneem.

Die polisie het op die toneel beslag gelê op vyf vuurwapens, insluitend ʼn AK47-aanvalsgeweer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.