ʼn Visserman het Woensdagmiddag in die Kowierivier-monding by die Port Alfred-hawe in die Oos-Kaap verdrink.
Juan Pretorius, stasiebevelvoerder van die Nasionale Seereddingsinstituut (NSRI) in Port Alfred, sê die visserman het glo oorboord geval nadat die vissersboot waarop hy was deur ʼn golf getref is. Pretorius sê die NSRI het met hul aankoms op die toneel gesien die man dryf in die water waarna duikers hom uitgehaal het en mond-tot-mond-asemhaling op hom begin toepas het. Hy is egter op die toneel dood verklaar. Die man was glo in sy 50’s. “Die polisie het ʼn geregtelike doodsondersoek geopen en die man se liggaam is aan die polisie en die patologie-dienste oorhandig.”
Waarvan word die visserman verdink? Van verdrinking???
Dagsê Marlene
Dankie, ons het die fout reggestel!
Groetnis
Suné van Heerden
nms Maroela Media