Argieffoto
Een persoon is dood en talle beseer toe ‘n vlaag van minstens 19 tornado’s verskeie Amerikaanse deelstate getref het. Waarskuwings is in altesaam 14 deelstate uitgereik, en duisende mense sit sonder krag.
Die tornado’s word deur ‘n sogenaamde stormfront veroorsaak wat tot dié tregterwinde lei wat tot dusver hoofsaaklik die state Oklahoma, Kansas en Iowa geteister het. Die stormfront strek van Texas tot Minnesota.
Die oorledene was ‘n 69-jarige man wat dood is toe ‘n tornado ‘n karavaanpark in die dorpie Shawnee naby Oklahoma City platgeveeg het.
