‘n Ligte vliegtuig het Vrydagmiddag naby Virginia-lughawe in Durban op ‘n strand neergestort.
Dean Macpherson, woordvoerder van Crisis Medical, sê die vlieënier is nie beseer nie. “Dit blyk die vliegtuig het van Virginia-lughawe opgestyg en het net daarna enjinprobleme aangemeld. ‘n Volledige noodlanding is toe verklaar,” het hy in ‘n verklaring gesê. “Die vlieënier wou weer by Virginia gaan land het, maar het toe op Virginia strand, langs die lughawe, geland.” Die oorsaak van die ongeluk word ondersoek. -SAPA