Foto: @Geraldsmith69 op Twitter
Twee mense is Donderdagoggend dood toe ʼn ligte vliegtuig naby Lanseria Internasionale Lughawe buite Johannesburg neergestort het.
“Ons kan bevestig twee mense is dood,” het Claudette Vianello, woordvoerder vir die lughawe, gesê.
Beamptes poog steeds om die oorsaak van die ongeluk te bepaal wat net voor 10:00 plaasgevind het.
“Ooggetuies het gesê die vliegtuig het by die lughawe opgestyg en dit wou voorkom of hy wou terugkeer toe dit in ʼn oop stuk veld buite die lughawe neergestort het,” het Vianello bygevoeg. Die ongeluk het nie op die lughawe se gronde plaasgevind nie en aktiwiteit en vlugte by die lughawe word dus nie hierdeur geraak nie.
Vianello sê die huidige inligting is dat die twee slagoffers die enigste twee persone aan boord die Cirrus-vliegtuig was.
“Die persone was reeds dood toe paramedici van Netcare911 by die toneel aangekom het,” het Santi Steinmann, woordvoerder van Netcare911, gesê.
