Vliegtuigongeluk: Alle name nou bekend

C47 TP Turbo Dakota van die Silwer Valke

Die Suid-Afrikaanse Lugmag (SALM) het nou alle name bekendgemaak van die persone wat Woensdag in die Dakota-vliegtuigongeluk gesterf het.

Die wrak van die vliegtuig is vroeg Donderdagoggend in die Giants Castle-gebied in die Drakensberg deur ʼn Oryx-helikopter opgespoor. Die vliegtuig het weens slegte weer verongeluk. Die Dakota het by Waterkloof-lugmagbasis opgestyg en moes na verwagting omstreeks 10:00 in Mthatha geland het.

Die naasbestaandes van die slagoffers is in kennis gestel.

Algoa FM berig die bemanningslede is soos volg:
Majoor K. Misrole, kaptein Z.M. Smith, sersant B.K. Baloyi, sersant E. Boes, sersant J.M. Mamabolo en korporaal L. Mofokeng.

Algoa FM berig die passasiers is soos volg:
Sersant L. Sobantu, korporaal N.W. Khomo, korporaal A. Matlaila, korporaal M.J. Mthombeni en onderkorporaal N.K. Aphane.

Die familielede van die slagoffers het Donderdag reeds berading by Ysterplaat-lugmagbasis ontvang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.