Voetganger op snelweg doodgery

ʼn Voetganger, in sy twintigs, is dood nadat ʼn voertuig hom Sondagoggend in Kempton Park raakgery het.

Volgens Derrick Banks, ʼn woordvoerder van ER24, het die voorval omstreeks 04:00 op die R21-snelweg in Bonaeropark plaasgevind.

“Die man het veelvoudige kritieke beserings opgedoen en is op die toneel dood verklaar,” het Banks gesê.

Die bestuurder van die voertuig is ongedeerd.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae