ʼn Man is dood nadat hy Dinsdag deur ʼn swaarvoertuig getref is toe hy die N1-snelweg naby die Solomon Mahlangu (vroeër Hans Strijdom)-brug in Erasmuskloof, Pretoria, wou oorsteek.
Jeffrey Wicks, Netcare911 se woordvoerder, sê die voorval het in spitsverkeer gebeur.
“Hy het glo oor die pad gehardloop toe hy voor die swaarvoertuig beland en dit hom getref en oor hom gery het. Hy is kritiek beseer en op die toneel dood verklaar,” het Wicks gesê.
Verkeer was vir ʼn geruime tyd in die omgewing ontwrig terwyl die toneel opgeruim is.
Ek het verby gery nadat dit gebeur het – dit was aaklig!
Nes mens nie in die dieretuin in die leeu se hok klim nie, hardloop jy ook nie oor ‘n snelweg nie! Dis moeilikheid soek!