ʼn Man in sy 30s is Vrydag dood toe ʼn swaarvoertuig hom teen ʼn muur vasgedruk en vergruis het.
Santi Steinmann, ʼn woordvoerder van Netcare 911, het gesê die voorval het in Sefako Makgathoweg (Zambesiweg) in die noorde van Pretoria plaasgevind.
“Paramedici kon niks doen om die man se lewe te red nie, en hy is op die toneel dood verklaar,” het Steinmann gesê.
Die polisie ondersoek die omstandighede wat tot die ongeluk gelei het.