Argieffoto: SANCCOB
Die wrak van die Turkse vragskip, Seli 1, wat al jare op Bloubergstrand gestrand is, is gister opgeblaas in ʼn poging om van die onooglike kuiergas ontslae te raak.
Die Cape Times sê die wrak is Maandag opgeblaas en die oorskot gaan in kleiner stukkies gesny en verwyder word.
Die vaartuig is al sedert September 2009 gestrand nadat dit enjinprobleme tydens gure weer opgedoen het. Seli 1 het verlede jaar in September in 2011 in stukke gebreek en olie gelek.
Die departement van vervoer het aan die Suid-Afrikaanse Vloot opdrag gegee om die wrak te verwyder. Na wat berig word, is R20 miljoen opsy gesit om die wrak te verwyder.
