Vrieskas-baba sterk aan

Argieffoto

ʼn Pasgebore babadogtertjie, wat Saterdag in ʼn vrieskas in Daveyton, Johannesburg, opgespoor is, sterk in die hospitaal aan.

Kaptein Alfred Nakana, ʼn polisiewoordvoerder, het Woensdag aan Maroela Media gesê inwoners het Saterdagoggend die baba hoor huil en ondersoek ingestel, waarna hulle op haar afgekom en die polisie ontbied het. Haar naelstring was nog aan haar vas gewees.

“Die babatjie toon goeie vordering en sal na verwagting vandag [Woensdag] uit die hospitaal ontslaan word, waarna sy na ʼn plek van veilige bewaring geneem sal word,” het Nakana gesê.

Volgens Nakana is die baba se ma, ʼn 32-jarige vrou, Dinsdag in hegtenis geneem. Sy word onder andere van kindermishandeling aangekla. Die vrou moet Woensdag in die Benoni-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Tante Afrikana

Wat de dinges gaan aan met die mensdom……

Louisa

Goeie hell!!!! sluit haar toe , maak haar onvrugbaar !!! geen verskoning is hier regverdig nie !!!

HELENA SEABORNE

kindermishandeling. wat se snert is dit. die ding mut teregstaan vir poging tot moord en in i vrieskas gedruk word om self te vrek.

Marie Kennedy

Dit is so hartseer om te lees, om te dink dat ‘n mens, ‘n ma so min kan omgee vir haar eie kind. Hoe kan mens vir ander omgee as jy nie eers vir jou eie kind kan omgee nie.