ʼn Vrou het Sondag op die N1-hoofweg buite Bloemfontein selfmoord gepleeg deur eers voor ʼn vragmotor in te ry en toe sy die ongeluk oorleef het, voor ʼn kleiner vragmotor ingehardloop het, berig Volksblad.
Nicolene Hugo (51), vrou van Dawie Hugo, hoof van die Lettie Fouché-skool in Bloemfontein, het glo Sondagoggend ontsteld hul huis verlaat nadat sy ʼn uitval gehad het met hul oudste dogter. Hugo was glo ʼn erge depressielyer. Hugo het Sondagoggend omstreeks 11:30 by die Werde/Vergunning-kruising, sowat 50km buite Bloemfontein, voor ʼn swaarvragmotor ingedraai. Die vragmotor het egter uitgeswaai en haar wit Nissan-bakkie net skrams getref. Hugo het egter kort hierna voor ʼn kleiner aankomende vragmotor ingehardloop. Hugo word oorleef deur haar man en twee dogters.
Lees volledige berig hier
