Vrou erken dat sy man en dogter vermoor het

Die polisie in Noordwes het Sondag menslike oorskot by ʼn huis in Lichtenburg opgespoor, nadat ʼn vrou erken het sy het haar man en dogter vermoor en begrawe.

Die 67-jarige vrou en haar 16-jarige dogter is in hegtenis geneem, het die polisie gesê. EWN berig die vrou se dogter was 17 jaar oud toe sy in 2009 as vermis aangemeld is. Haar man is in 2011 op die ouderdom van 61 as vermis aangemeld. ʼn Ondersoek sal gedoen word om te bepaal of die beendere aan die tienerdogter en man behoort. Kaptein Tselane Nkala, woordvoerder van die polisie, sê die man se uitgebreide familie het die twee as vermis aangemeld. Die motief vir die moorde is nog nie bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.