Vrou ernstig beseer na motor by wal afstort

Foto: ER24

Derrick Banks, woordvoerder van ER24, sê die motor het verskeie kere teen die wal af gerol voor dit op groot rotse langs die see tot stilstand gekom het. Hy sê die bestuurder is in die wrak gevind en het nog haar veiligheidsgordel aangehad. Die vrou is op die toneel vir nek- en rugbeserings behandel en sy het ook verskeie sny- en skaafplekke opgedoen. ʼn Helikopter is gebruik om die vrou tot op die pad te lug voor sy met ʼn ambulans na ʼn nabygeleê hospitaal vervoer is vir verdere behandeling. Die oorsaak van die ongeluk word ondersoek.