Vrou ernstig na Egiptiese kobra haar pik

ʼn Vrou is in ʼn ernstige toestand in die hospitaal nadat sy Donderdagoggend deur ʼn Egiptiese kobra gepik is in haar huis in Jakkalsdans naby Moloto, noord van Pretoria.

ʼn Woordvoerder van Netcare911, Jeffrey Wicks, sê die vrou het glo vanoggend uit haar bed opgestaan om die lig aan te sit. “Toe sy terugloop is sy deur die 1m lange slang gepik, wat naby haar bed gelê het.” Wicks sê die vrou is op haar voet gepik en het baie pyn verduur. Sy is na die Steve Biko Akademiese hospitaal geneem vir behandeling. Die slang is doodgemaak en saam na die hospitaal geneem om geïdentifiseer te word.