‘n 41-jarige vrou is tot 15 jaar tronkstraf gevonnis in die Nelspruit-streekshof nadat sy ʼn baba in Mosambiek ontvoer en na Suid-Afrika gesmokkel het.
Eliza Zefaro Gwambe van Mosambiek het skuldig gepleit op die aanklagte teen haar. Landdros Willie Wilkens het gelas dat Gwambe haar vonnis in Suid-Afrika moet uitdien voor sy na Mosambiek gedeporteer sal word. Wilkens het aan die hof gesê Gwambe het harteloos opgetree deur die kind van sy ma te steel. Gwambe is op 29 Desember 2011 in hegtenis geneem. Sy was in ʼn taxi op pad na Johannesburg toe ander passasiers agterdogtig geraak het oor die twee maande oue baba wat sy by haar gehad het. Die taxibestuurder het de polisie ontbied en Gwambe is in hegtenis geneem.