‘n Voetganger in haar 20s is Sondagaand in Randburg dood nadat sy die N14 wou oorsteek.“Die vrou was omstreeks 19:30 besig om die snelweg naby die Malibongwe-afrit oor te steek, toe ‘n bakkie haar getref het. Die vrou het veelvoudige kritieke beserings opgedoen en was reeds dood toe paramedici op die toneel gekom het,” het Vanessa Jacskon, ‘n woordvoerder van ER24, gesê. Die insittendes van die voertuig is ongedeerd. Die polisie ondersoek die ongeluk.
