Vrou moontlik weens taxi-geweld geskiet

Die foto is deur @Roodekranswatch op Twitter gelaai.

Die foto is deur @Roodekranswatch op Twitter gelaai.

ʼn Vrou van Johannesburg is Dinsdagoggend in Roodepoort geskiet in ʼn voorval wat moontlik aan taxi-geweld verbind kan word.

Hoof.supt. Wayne Minnaar, ʼn woordvoerder van die Johannesburgse metropolisie, het gesê die vrou is deur ʼn groep mans wat lukraak begin skiet het, gewond.

Die skietery het by die kruising van Ontdekkersweg en CR Swartrylaan in die Wes-Rand plaasgevind.

“Die beseerde vrou is na ʼn nabygeleë hospitaal geneem en vier minibustaxi’s is beskadig,” het Minnaar gesê.

Konst. Vincent Mashiteng, ʼn woordvoerder van die polisie, het gesê die polisie is op soek na drie mans wat in ʼn blou Toyota Corolla ná die skietery van die toneel gevlug het.

Hy het gesê die drie verdagtes het langs die pad geloop toe hulle lukraak op die taxi’s en ander verbygaande voertuie losgebrand het.

“Ten minste 10 skote is afgevuur, een daarvan het die vroulike motoris getref,” het Mashiteng gesê.

Niemand in die taxi’s is beseer nie.

Die moontlikheid word ondersoek of die skietery verband hou met ʼn skietvoorval wat Maandag in Diepsloot plaasgevind het. Dit volg nadat taxi-bestuurders begin staak het. Hulle dring daarop aan om taxi-base te word.

Niemand is nog in verband met die voorvalle in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Waaksaam

Niemand gaan ook seker in hegtenis geneem word nie ;-)

Willy

Wilde Weste op sy Beste!!

Trippie

“Dit volg nadat taxi-bestuurders begin staak het. Hulle dring daarop aan om taxi-base te word.”

**

Kyk, ek dink ek moet ook staak by my werk, en aandring om baas (vennoot) te word ! En as ek nie my sin kry nie, dan trek ek weg met vuurwapen en skiet !

**

Hierdie spulletjie het eerlikwaar geen verstand nie – nie eers een breinsel wat in ‘n werkende toestand is nie.

Justi

Vreeslik die skiettery! Geen lewe is enigiets werd nie! Alles maar alles MOET met geweld gedoen word. Die vet weet waarom.

vuurvreter

Trippee ek stem. Maar ek wil die eienaar van krygkor of Denel word. Ek sal dan vir jou n spesiale present stuur.