Die vrou wat op ‘n plaas tydens ʼn rooftog langs haar man in hul bed geskiet is, is Donderdagaand in die Limpopo Medi-clinic, in Polokwane, oorlede.
Gloudien van Rensburg (65) is ernstig gewond en haar man Johan (77) doodgeskiet nadat hulle op 20 Junie deur vier mans op hul plaas, Cosmopolite naby Baltimore in die Tolwe-omgewing, in hul huis oorval is. Gloudien was sedert die voorval in die Mediclinic. Sy was van haar bors af ondertoe verlam. Johan is verlede week begrawe.
Sy het glo vroeër die week ’n beroerte gehad, berig Beeld. Haar bloeddruk het Donderdag erg gedaal en dokters het haar kinders, Hanno, Irmi en Gloudie, gister na die hospitaal ontbied.
Samuel Machoga (32), Jonathan Mafifi (29), Elvis Kobe (23) en Marcus Sithole (43) is in verband met die voorval in hegtenis geneem.
‘n Dood vir ‘n dood. As die doodstraf nog in plek was, sou misdaad en moord nie so handuit geruk het in ons land nie.