Die vrou, wat glo in haar 30’s is, het vroeg Saterdagoggend beheer oor haar motor verloor, sê Derrick Banks, woordvoerder van ER24. Die motor het oor die kant van die krans gestort en in iemand se agterplaas, tussen ʼn muur en ʼn rots, op sy sy te lande gekom.
“Toe nooddienspersoneel op die toneel kom, het die bestuurder reeds uit die motor geklim,” het Banks gesê.
Hulle het haar ondersoek en behandel vir vermoedelike nek- en rugbeserings en gebreekte ribbes. Sy is later hospitaal toe geneem.