Vrou pleeg selfmoord by hospitaal

ʼn Vrou het Dinsdagoggend na haar dood gespring van die negende vloer van die Charlotte Maxeke hospitaal in Johannesburg.

ʼn Woordvoerder van die Gautengse departement van gesondheid, Simon Zwane, sê die vrou het vroegoggend gesê sy gaan badkamer toe waarna sy glo selfmoord gepleeg het. Zwane sê die polisie en die departement sal die saak ondersoek. Hy sê die 53-jarige vrou het sowat drie weke gelede ʼn operasie gehad by die hospitaal en is ontslaan. Zwane sê sy is egter Vrydag weer opgeneem nadat sy gekla het dat sy in pyn was. Die DA se woordvoerder vir gesondheid, Jack Bloom, sê dit is ʼn tragiese voorval en het sy meegevoel met die oorledene se familie betuig. Bloom sê ʼn ondersoek na die voorval moet bepaal of alle moontlike maatreëls in plek was om so tragedie te voorkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.