Die liggaam van ʼn vrou, wat glo verkrag en toe met buitebande aan die brand gesteek is, is Maandagmiddag opgespoor.
Ao. Kay Makhubela, ʼn polisiewoordvoerder, sê ʼn verbyganger het op die vrou, in haar 20s, se liggaam in ʼn oop veld in Dobsonville, Soweto, afgekom. “Sy is met buitebande aan die brand gesteek. Ons vermoed sy was verkrag en vermoor voor haar liggaam aan die brand gesteek is,” het Makhubela gesê.
Volgens Makhubela is die vrou glo oor die naweek vermoor. Die polisie ondersoek ʼn saak van moord. Mense met inligting kan ao. Sibeko skakel by 082 304 9039 of 011 983 1600.