Vrou sterf toe motor en twee trokke bots

Argieffoto Foto: Netcare911

Argieffoto Foto: Netcare911

ʼn Vrou is dood en ʼn man is in ʼn kritieke toestand ná ʼn ongeluk Woensdagaand tussen ʼn motor en twee vragmotors in Kempton Park in die Oos-Rand.

Volgens Santi Steinmann, ʼn woordvoerder van Netcare 911, is die oorsaak van die ongeluk nog nie bekend nie. Die polisie ondersoek die ongeluk wat omstreeks 19:30 in Pomonaweg plaasgevind het.

“Die vrou, wat die motor bestuur het, was reeds dood toe paramedici by die toneel opgedaag het,” het Steinmann gesê.

Een van die vragmotorbestuurders het kritieke beserings opgedoen en moes met ʼn helikopter na nabygeleë hospitaal geneem word. “Die bestuurder van die ander vragmotor is ongedeerd,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae