ʼn Vrou is Sondagoggend in Theresapark, noord van Pretoria, in hegtenis geneem nadat die polisie beslag gelê het op drie gesteelde motors en vier ongelisensieerde vuurwapens.
Lt. Kol. Katlego Mogale, woordvoerder van die polisie, sê die polisie het op ʼn wit Ford Focus, silwer Subaru en ʼn groen Chevrolet Spark beslag gelê wat glo gesteel is. Sy sê die motors is by ʼn woonstelkompleks gevind. In twee van die motors is flikkerende ligte, luidsprekerstelsels en sirenes geïnstalleer. Mogale sê daar is twee sakke met koeëlvastebaadjies, polisiebaadjies, verkykers, boeie, tweerigting radio’s, balaklawas en vier handwapens in een van die motors gevind. Sy sê die polisie is op soek na nog verdagtes. Die verdagtes word moontlik met verskeie rooftogte in Gauteng verbind.
Weet julle, daardie area moet afgekordon gewees het – forensiese taakspan en almal ” Almal ” in die area wat toegang het of kan kry. Dan kry jy resultate omdat almal sal praat en onmiddelike aksie. Is daar iemand wat kan help met nadere inligting, plaas hier !
So! die tiepe misdaad gaan nog voort!