Vrou verdrink in getyswembad

ʼn 23-jarige vrou het Sondag in ʼn getyswembad by Strandfontein aan die Weskus verdrink.

Die Nasionale Seereddingsinstituut (NSRI) sê lewensredders het opgemerk dat die vrou in die moeilikheid beland het. Die vrou is uit die water gehaal waarna lewensredders mond-tot-mond-asemhaling op haar toegepas en mediese hulp ontbied het. Die vrou van Kraaifontein is egter kort hierna op die toneel dood verklaar. Die polisie ondersoek die saak.