Twee vroue wat daarvan beskuldig is dat hulle twee 17-jarige verstandelik gestremde seuns verkrag en seksueel aangerand het, is in die Protea-landdroshof vrygespreek, het The Star Vrydag berig.
ʼn 27-jarige vrou en haar familielid, ʼn tiener, het die seuns glo verlede jaar in White City, Soweto, aangerand. Een van die vroue het glo die seuns na haar huis gelok en hulle verkrag. Sy het glo aan hulle gesê hulle “maak ʼn baba”, berig The Star verder.
Landdros Audrey Mpofu het Donderdag die vroue egter onskuldig bevind op alle aanklagte, aangesien die seun, wat glo verkrag is, gesukkel het om vrae te beantwoord tydens sy kruisverhoor.
ʼn Opvoedkundige sielkundige het getuig dat die seuns se verstandelike vermoë gelykstaande is aan ʼn kind van ses of agt jaar oud. Mpofu sê dit sou makliker gewees het indien DNS-monsters geneem is, berig The Star.
-SAPA
Skandelik!!!! Dat die regstelsel ons kinders so moet faal!!! Ek hoop die arme kind kry profesionele hulp. En sies vir daardie vroue…