Vroulike werker glo in myn vermoor

Die liggaam van ʼn vroulike mynwerker is Maandag in Anglo Platinum se Khomanani-myn buite Rustenburg in Noordwes gevind.

Die vrou is glo vermoor. ʼn Woordvoerder van Amplats, Mary-Jane Molifi, sê dit is die eerste voorval van sy soort om aangemeld te word in die maatskappy. Molifi sê die vrou was ʼn voerband-operateur maar wou nie verdere inligting beskikbaar maak nie. Die mynwerkersunie, NUM, sê die vrou is glo ook verkrag. Molifi sê die uitslae van ʼn nadoodse ondersoek behoort teen Vrydag beskikbaar te wees. Sy sê ʼn deel van die myn is gesluit vir verdere ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae