Foto: Wikipedia
Die Amerikaanse minister van Buitelandse Sake, John Kerry, het aangekondig dat die VSA ‘n verteenwoordiger vir die Noordpool gaan aanstel.
Dié verteenwoordiger sal na Amerikaanse belange, soos ekonomiese, geopolitieke, omgewings- en klimaatsbelange omsien. Kerry het daarop gewys dat die ekonomiese belang van die Noordpoolgebied vir die wêreld belangriker word, omdat stygende temperature dit moontlik maak om enorme gas- en olieserwes te ontgin.
Verskeie lande wat lid is van die Arktiese Raad het reeds Arktiese verteenwoordigers aangestel, terwyl Japan wat nie lid is nie, ook reeds so gemaak het. Die VSA se verteenwoordiger sal vanjaar reeds aangewys word.
