Gerrie Coetzee, ʼn voormalige bokskampioen, verskyn Donderdag in die Kaapstadse landdroshof omdat hy glo ‘n ongeregistreerde kunsgebit-onderneming bedryf het.
Die 57-jarige Coetzee, wat in Table View woon, word daarvan beskuldig dat hy in Oktober 2010 valstande vervaardig het sonder dat hy by die Suid-Afrikaanse Tandheelkundige Raad geregistreer is, berig RSG. Indien hy skuldig bevind word, kan hy met tot R10 000 beboet word. Die boks-legende het die wêreld-boksvereniging se titel in 1983 gewen. Hy het ‘n dekade later uit boks getree.