Vulkaan bars uit met luide knal – duisende op vlug

Drie internasionale lughawens is gesluit. ‘n Dik laag vulkaniese as het op dié vliegtuig beland. Foto: Epa

Drie internasionale lughawens is gesluit. ‘n Dik laag vulkaniese as het op dié vliegtuig beland. Foto: Epa

‘n Indonesiese vulkaan op die eiland Java het Donderdag met ‘n luide knal uitgebars en as en rotse tot drie kilometer die lug ingeskiet.

Duisende mense is op vlug, en die owerhede het gevra dat almal in ‘n tien kilometer radius om die vulkaan Kelud die gebied moet verlaat. Kelud was laas in 2007 aktief.

Die grond in die twee nabygeleë stede, Yogyakarta en Surabaya is onder ‘n dik laag as bedek, en lugverkeer na beide stede is opgeskort.

Nog geen ongevalle is aangemeld nie.

Indonesië het sowat 130 aktiewe vulkane.

Bronne: AP en AFP via Trouw, BBC News

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Nuus, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae