Vyf brandbestryders in brand beseer

Vyf brandbestryders is beseer terwyl hulle ʼn veldbrand langs die R82 in Vereeniging probeer blus het.

ʼn Woordvoerder van ER24, Derrick Banks, sê die brand het ook versprei na ʼn kleinhoewe langs die veld. Hy sê daar was skrootmateriaal, motorparte en gassilinders op die eiendom. Banks sê van die gassilinders het glo ontplof en die brandbestryders beseer. Hy sê hoewel hulle net lig beseer is, is hulle na ʼn nabygeleë hospitaal vervoer vir verdere behandeling. Dit is nog nie duidelik hoe die brand ontstaan het nie.