Vyf mense is Sondag dood en 10 ernstig beseer nadat die minibustaxi waarin hulle gery het naby Heidelberg omgeslaan het.
Santi Steinmann, woordvoerder van Netcare911, sê drie kinders is onder die beseerdes. Hulle is op die toneel behandel voor hulle na nabygeleë hospitale geneem is vir verdere behandeling. Steinmann sê die ongeluk het op die N3 naby die De Hoek-tolhek plaasgevind. Die oorsaak van die ongeluk is nog nie bekend nie en word ondersoek.
