Vyf drawwers sterf na motoris hulle omry

Vyf mense is dood en een beseer nadat ‘n motoris wat glo onder die invloed van alkohol was Saterdagoggend in ‘n groep drawwers in Midrand, Gauteng, ingeploeg het.

‘n Woordvoerder, Nana Radebe, sê die vier vroue en ʼn man het aan hulle wonde beswyk voor paramedici op die toneel gekom het. Radebe sê nog ʼn man is ernstig beseer en is na ʼn nabygeleë hospitaal geneem vir verdere behandeling. ʼn Woordvoerder van die metropolisie, Edna Mokonyane, sê die bestuurder van die motor is in hegtenis geneem. Mokonyane sê die man word aangekla van dronkbestuur en die vyf aanklagte van strafbare manslag. Hy sal Maandag in die Midrand landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.